प्रस्तुत विषयमा श्रम, रोजगार तथा सामाजिक सुरक्षा मन्त्रालय (प्रधानमन्त्री रोजगार कार्यक्रम) प.स. ०७७/०७८, च.न. २३, को मिति २०७७/०४/१२ को पत्रानुसार र यस कार्यालयको मिति २०७७/०५/३० को निर्णयानुसार यस बागमती गाउँपालिकामा सञ्चालित रोजगार सेवा केन्द्रको लागि आवश्यक प्राविधिक सहायक पद करारमा पदपूर्तिका लागि निम्न बमोजिम योग्यता पुगेका इच्छुक नेपाली नागरिकले १५ दिनभित्र माग बमोजिमका विवरण र राजश्व तिरेका रसिद सहित यस कार्यालयमा निवेदन दिनुहुन अनुरोध छ ।

१) आवश्यक न्यूनतम योग्यता र अनुभव :

(क) सिभिल इन्जिनियरिङ प्रविणता प्रमाण पत्र तह वा ओभरसियर वा डिप्लोमा तह उतीर्ण भएको

(ख) अनुभव र सीप : प्राविधिक सहायकमा देहायका अनुभव र सीप आवश्यक पर्नेछ :-

• कम्तीमा ३ महिने तालिम लिई आधारभूत कम्प्यूटर सीप भएको,
• पूर्वाधारको निर्माण र मर्मतका लागि आयोजनाको लागत अनुमान, सुपरीवेक्षण र अन्तिम लागत विवरण तयार गर्न सक्ने र विश्लेषण गर्न सक्ने, आयोजनाको लक्ष्य र परिणाम हासिल गर्न टोलीमा काम गरेको अनुभव, पारस्परिक सम्बन्धी सीप सहित कम्तीमा ६ महिनाको अनुभव भएको ।

(ग) उमेर : कम्तीमा १८ वर्ष पुरा भई ४५ वर्ष ननाघेको

२) दरखास्त दिने स्थान : बागमती गाउँपालिकाको कार्यालय

३) दरखास्त दिने अन्तिम मिति : २०७७/०६/१४

४) आवेदनको दस्तुर : रु ५००।-

५) छनौट किसिम : प्रारम्भिक योग्यताक्रमको सूची प्रकाशन र लिखित परीक्षा

६) आवेदन साथ संलग्न कागजातहरु : आवेदक स्वयमले प्रमाणित गरेको देहाय बमोजिम कागजातको प्रतिलिपिहरु

• नागरिकता
• न्यूनतम योग्यताको लब्धांक प्रमाणपत्र
• चारित्रिक प्रमाण पत्र
• अनुभव खुल्ने कागजात
• २ प्रति पासपोर्ट आकारको फोटो

७) सेवा सुविधा : गाउँपालिका तथा नगरपालिकामा प्राविधिक सहायक पदपूर्ति सम्बन्धी प्रकृया को दफा (११), (१२) र (१३) बमोजिम हुनेछ ।

८) पदले सम्पादित गर्नुपर्ने कार्यविवरण : गाउँपालिका तथा नगरपालिकामा प्राविधिक सहायक पदपूर्ति सम्बन्धी प्रकृया को दफा (९) बमोजिम हुनेछ ।

नोट : आवेदनको ढाँचा र प्राविधिक सहायक पदको कार्यविवरण लगायत अन्य जानकारी www.pmep.gov.np मा उपलब्ध छ ।